(Онлайн Халық Газеті)2024 жыл 11 шілде
11 шілде, онлайн «Халық Газеті» -- 7 шілде күні кешке Қазақстанның Жетінші арнасында (tv7) «Менің Алтайым» телехикаясының финалы көрсетілді. Небәрі сегіз сериядан тұратын телехикая өз көркемдігімен, әсерлілігімен, көптеген жергілікті «драма жанкүйерлерін» жинады. Осыдан кейін телехикая «Habar TV» және «31 арна» сияқты жергілікті негізгі телеарналарда және танымал медиа платформаларда да көрсетіледі.
«Кең жайлау, асқар таулар мен мөлдір көлдер – әрбір көріністе керемет келісім тапқан», - дейді қазақстандық көрермен Әлия журналистерге. Ол «Менің Алтайым» лирикалы прозалық поэмаға ұқсайтынын айтты. Телехикаядағы еркін бірақ жеңіл мұңның әуезі оның жүрегін мықтап ұстаған. «Мен қазақ және Хан мәдениеттерінің кездесуі мен бірігуін көрдім. Телехикаяда көрсетілген фестивальдар, әдет-ғұрыптар мен музыканың барлығы мәдени ұштасулардың тамаша көріністері», - дейді Әлия.
Қазақстандық көрермендер телехикаядағы Алтай аймағымен және оның мәдениетімен жақсы таныс, сериалды тамашалауда ешқандай кедергі болғаны жоқ. Қазақ тіліндегі нұсқасының дубляжы екі ел арасындағы мәдени интеграцияны жақындата түсті.
Қазақстандық Жетінші арнаның бас директоры Илхам Ибрагим былай дейді: «Менің Алтайымның» өзіндік ұлттық стилі бар. Сериалда баяндалған әңгімелер мен көрсетілген мәдени ортақтық Қытай мен Қазақстан халықтарының арасындағы қарым-қатынасты одан әрі жақындастыруға ықпал етті».
Шындығында, «Алтайды» тамашаламас бұрын, көптеген қазақстандық көрермен Қытайды кейбір видеолар арқылы түсініп, қызығушылық танытатын.
«Батысқа саяхат» және «Қызыл сарай түсі» телехикаялары жергілікті телеарналарда өте ерте аударылған нұсқаларда көрсетілді. Әсіресе жергілікті қарттар мен балаларға өте ұнайтыны - «Батысқа саяхат»,- дейді Әлия тілшімізбен сұқбатында. Қытайлық телехикаялар туралы айтқанда, ол негізінен бұрынғы дәстүрлі киім үлгілері бойынша түсірілген сериалдар туралы әсерін есіне алды. «Чжэнь Хуанның өмірбаяны» және «Ланья тізімі» сияқты телехикаялар талғампаз костюмдерімен және қызықты сюжеттерімен көптеген қазақстандық көрерменді қызықтырды; Ғаляның айтуынша, оның айналасындағы достары қытайлық Сянься драмаларын көргенді ұнатады, өйткені сюжеті қиялға толы, костюмдері де өте әдемі.
«TV China Theatre» - бұл Қытайдың Мемлекеттік радио, кино және теледидар әкімшілігінің демеушілігімен жүзеге асырылатын брендтік жоба. Қазіргі уақытта «ТВ Қытай театрының» бөлімшесі «Бауырсақ театры» қазақстандық «Жетінші арна» мен «Алатау» телеарнасы арқылы күн сайын «жаңалық» ұсынып жатыр. «Менің Алтайым», «Жақсылықтар тоғысады» телехикаялары мен «Шыңжаңның таулы-өзендері» деректі фильмінен басқа, «Қыз құлқы», «Қуаныш жыры 3», «Ештеңеден тайсалмау» телехикаялары, «Іле өзені», «Шағансайдың тамызы» және т.б. деректі фильмдер алдағы екі айда көрсетіледі.
(Редактор:Ыбырай Дүйсен,Deng Jie)