حالىق گازەتىنىڭ ءتىلشىسى يۇي جيڭشيان حابارلايدى. جۋىردا، اۋىل شارۋاشىلىعى جانە اۋىل – قىستاق مينيسترلىگى قوعام حاۋىپسىزدىگى مينيسترلىگى، بازاردى باقىلاۋ – باسقارۋ باس مەكەمەسىمەن بىرگە ”اۋىل شارۋاشىلىعى ونىمدەرىنە تاپسىرىس بەرۋ“ دەگەن اتپەن الدامكوستىك ىستەپ، ديقانداردى سورلاتقاندارعا زاڭ بويىنشا سوققى بەرگەن تيپتىك دەلولاردان 5 دەلونى جاريالادى. دەلولاردا زاڭعا قايشى قىلمىستىق ارەكەتتەردىڭ باستى تۇرلەرى مەن الدامكوستىك ىستەۋ تاسىلدەرىنە ساراپتاۋ جاسالعان، بارشا ديقاندارعا وسى تەكتەس الدامكوستىكتەردى پارىقتاۋ مەن ودان ساقتانۋ جاعىنداعى امالدار مەن تاسىلدەر تانىستىرىلعان، تيپتىك دەلولارعا سوققى بەرۋدىڭ ساقتاندىرۋ جانە سەسكەندىرۋ رولىن تولىق ساۋلەلەندىرىپ، جەر – جەردىڭ قاتىستى دەلولاردى زاڭ بويىنشا تەكسەرىپ ءبىرجاقتى ەتۋىنە جەتەكشىلىك ەتۋدى اناعۇرلىم كۇشەيتەدى.
جۋىرداعى جىلداردان بەرى، ”اۋىل شارۋاشىلىعى ونىمدەرىنە تاپسىرى بەرۋ“ دەگەن اتپەن الدامكوستىك ىستەپ، ديقانداردى سورلاتاتىن زاڭعا قايشى ارەكەتتەر ءجيى تۋىلۋدا. جۇرتشىلىق پەن تيجارات نەگىزگى تۇلعالارىنىڭ زاڭدى ۇقىق – مۇددەسىن ءونىمدى قورعاۋ ءۇشىن، اۋىل شارۋاشىلىعى جانە اۋىل – قىستاق مينيسترلىگى 2023 – جىلى 11 – ايدا قوعام حاۋىپسىزدىگى مينيسترلىگىمەن، بازاردى باقىلاۋ – باسقارۋ باس مەڭگەرمەسىمەن بىرگە بۇكىل ەلىمىز بويىنشا ارناۋلى جونگە سالۋ ارەكەتىن ورىستەتۋ جونىندە ورنالاستىرۋ جاساعان. جەر – جەر شاعىمدانۋ ارناسىن ىركىلىسسىزدەندىرىپ، سايكەسۋ – بىرلەسىپ ارەكەتتەنۋ مەحانيزمىن كەمەلدەندىرىپ، قاتىستى ماسەلەلەردىڭ دەرەكتەرىن رەتتەپ جانە ءبىر – بىرلەپ تەكسەرىپ، زاڭعا قايشى ءبىر توپ دەلولاردى تەكسەرىپ ءبىرجاقتى ەتىپ، زاڭعا قايشىلىق جاساعان قىلمىستىق ەلەمەنتتەردەن ءبىر توبىن قاتاڭ ءبىرجاقتى ەتتى.
كەلەسى قادامدا، اۋىل شارۋاشىلىعى جانە اۋىل – قىستاق مينيسترلىگى قاتىستى تاراۋلارمەن بىرگە جالعاستى شارا قولدانىپ، قازىر ورىستەتىلۋ ۇستىندەگى ”جاسىل سەمسەرمەن استىق حاۋىپسىزدىگىن قورعاۋ“ اتتى زاڭ اتقارۋ ارەكەتىمەن ۇشتاستىرا وتىرىپ، ”اۋىل شارۋاشىلىعى ونىمدەرىنە تاپسىرىس بەرۋ“ دەگەن اتپەن الدامكوستىك ىستەپ، ديقانداردى سورلاتاتىن زاڭعا قايشى ارەكەتتەرگە باعىتتالعان ۇدايىلانعان سوققى بەرۋ بەتالىسىن قالىپتاستىرىپ، مەملەكەتتىڭ استىق حاۋىپسىزدىگى مەن حالىق جۇرتشىلىعىنىڭ زاڭدى ۇقىق – مۇددەسىنە ءونىمدى كەپىلدىك ەتەدى.
كەلۋ قاينارى: حالىق تورابى