شينجياڭدا 7- ايدىڭ 1 ـ كۇنىنەن 6 ـ كۇنىنە دەيىن وتكىنشى جاۋىن – شاشىن كوپ بولادى، اۋا تەمپەراتۋراسى كورنەكتى تومەندەيدى، تاياۋدان بەرگى شينجياڭداعى كوپ كۇنگە جالعاسقان جوعارى تەمپەراتۋرالى اۋا رايى بىرتىندەپ اياقتالدى.
6 - ايدىڭ 28 – كۇنى، ءتىلشىنىڭ شينجياڭ اۋا رايى ستانسياسىنان ۇعىسۋىنشا، 7 - ايدىڭ 1 - كۇنىنەن 6 - ايدىڭ 6 - كۇنىنە دەيىن سولتۇستىك شينجياڭنىڭ باتىس سولتۇستىك بولىگى، تيانشان تاۋلى ءوڭىرى جانە ونىڭ ەكى جاق سىلەمى، وڭتۇستىك شينجياڭنىڭ باتىس بولىگىندەگى تاۋلى وڭىرلەر، قۇمىل سياقتى جەرلەردىڭ ءىشىنارا وڭىرلەرىندە نوسەر جاۋىپ، ءىشىنارا جەرلەردە قىسقا ۋاقىتتىق كۇشتى جاۋىن - شاشىن، ناجاعايلى بوران، بۇرشاق سياقتى كۇشتى كونۆەكسيالىق اۋا رايىنىڭ تۋىلۋ مۇمكىندىگى ءبىرشاما زور بولادى؛ وڭتۇستىك شينجياڭ، شىعىس شينجياڭ قاتارلى جەرلەردىڭ ءىشىنارا وڭىرلەرىندە قىسقا ۋاقىتتىق بوز بوران نەمەسە قۇمدى بوران سوعادى.
7 - ايدىڭ 1 - كۇنىنەن 6 - كۇنىنە دەيىن ءۇرىمجى قالا رايونىندا ەڭ جوعارى اۋا تەمپەراتۋراسى 27 دە 31 سەلتسي گرادۋس، ەڭ تومەنگى تەمپەراتۋرا 20 دا 24 سەلتسي گرادۋس اينالاسىندا بولادى. مەجەمەن ۇرىمجىدە 7 - ايدىڭ 1 - كۇنى كۇندىز، 7 - ايدىڭ 2 - كۇنى كۇندىزدەن تۇنگە دەيىن قالا رايونىندا سەبەزگى جاڭبىر جاۋادى، باتىس سولتۇستىكتەن 4 تە 5 بال جەل سوعادى؛ 7 - ايدىڭ 1 - كۇنى مەن 4 - كۇنى تاۋلى وڭىرلەردە وتكىنشى جاڭبىر جاۋادى؛ 7 - ايدىڭ 2 - كۇنىنەن 3 – كۇنىنە دەيىن، 7 - ايدىڭ 5 - كۇنىنەن 6 - كۇنىنە دەيىن تاۋلى وڭىردە ورتاشا جاڭبىر جانە قالىڭ جاڭبىر جاۋادى، ءىشىنارا جەرلەردە نوسەر جاۋادى.
شينجياڭ اۋا رايى ستانسياسى مىنانى ەسكەرتتى: 7 – ايدىڭ 1 – كۇنىنەن 6 - كۇنىنە دەيىن سولتۇستىك شينجياڭنىڭ، شىعىس شينجياڭنىڭ جەل وتىندە 10 دا 11 بال باتىس سولتۇستىك جەلى سوعادى، مەزتتىك وتكىنشى جەل كۇشى 12 بالعا جەتەدى، وڭتۇستىك شينجياڭنىڭ، شىعىس شينجياڭنىڭ ءىشىنارا جەرلەرىندە قۇمدى بوران سوعىپ، اۋىل شارۋاشىلىعى قۇرىلعىلارى، قاتىناس - تاسىمال، ساياحات، قالا اينالىمى، دالالىق قيمىل سياقتىلارعا ءتيمسىز ىقپال جاسايدى، قاتىناس - تاسىمالدى باسقارۋ جانە جىلىجاي قالتقىلارىن بەكەمدەپ بوراننان ساقتانۋ قىزمەتىن ويداعىداي ىستەۋ كەرەك.
بۇدان سىرت، قازىر ساياحاتتىڭ قاۋىرت مەزگىلى، تاۋلى رايونداردا جاۋىن - شاشىن كوپ بولادى، ءىشىنارا جەرلەردە نوسەر جاۋىپ، تاسقىن جانە گەولوگيالىق اپات وڭاي تۋىلادى، ساياحات تاراۋلارى كورىنىس رايوندارىن باسقارۋدى كۇشەيتىپ، ساياحاتشىلارعا اڭعار، تاسقىننان ساقتانۋ وزەن ارناسى سياقتى گەولوگيالىق اپاتتار وڭاي تۋىلاتىن وڭىرلەرگە بارۋدان ساقتانۋدى ەسكەرتۋى كەرەك.
كەلۋ قاينارى: حالىق تورابى