شينحۋا اگەنتتىگىنىڭ ءتىلشىسى شاڭ شۇيچيان بىرلەسكەن مەملەكەتتەر ۇيىمىنان حابارلايدى. بىرلەسكەن مەملەكەتتەر ۇيىمىنىڭ ەكونوميكا جانە قوعامدىق ىستەر ءبولىمى جۋىردا «2024 – جىلعى دۇنيە ءجۇزى ەكونوميكاسىنىڭ جاعدايى مەن بولاشاعىنا نازار» اتتى جىل ورتاسىندا جاڭالانعان مالىمەتتى جاريالاپ، دۇنيە ءجۇزى ەكونوميكاسىنىڭ ارتۋىنىڭ بولاشاعى جونىندە بايسالدى دا ءۇمىتتى پوزيتسيادا بولىپ، 2024 – جىلى دۇنيە ءجۇزى ەكونوميكاسىنىڭ ارتۋىنىڭ مەجەدەگى مولشەرىن جىل باسىندا مەجەلەگەن %2.4 تەن %2.7 كە جوعارىلاتتى.
مالىمەتتە مىنالاداي بولجام جاسالعان: 2024 – جىلى دامىعان ەكونوميكالىق تۇلعالاردىڭ ەكونوميكاسى %1.6 ارتادى، بۇل جىل باسىنداعى %1.3تىك مەجەدەن جوعارى بولادى؛ دامۋ ۇستىندەگى ەكونوميكالىق تۇلعالاردا ەكونوميكا %4.1 ارتادى، بۇل جىل باسىنداعى %4.0 تىك مەجەدەن ءسال جوعارى؛ ەڭ دامىماعان ەكونوميكالىق تۇلعالاردىڭ ەكونوميكاسى %4.8 ارتادى، بۇل جىل باسىنداعى %5.0 تىك مەجەدەن تومەن. 2025 – جىلى دۇنيە ءجۇزى ەكونوميكاسى %2.8 ارتادى، بۇل وسىنىڭ الدىنداعى %2.7 تىك مەجەدەن جوعارى.
مالىمەتتە تاعى مىنالار مەجەلەنگەن: 2024 – جىلى دۇنيە جۇزىندەگى زات اينالىمى جانە قىزمەت وتەۋ ساۋداسى %3.2 ارتادى، بۇل جىل باسىنداعى %2.4 تىك مەجەدەن جوعارى.
مالىمەتتە بىلاي دەپ قاراعان: ءوسىم مولشەرىنىڭ ۇزاق ۋاقىت بويى جوعارى بولۋى، قارىز قىسپاعى، گەوساياسيداعى شۇعىل جاعدايلار، سونداي – اق، كليمات داعدارىسىنىڭ ۋشىعۋى قاتارلىلاردىڭ بارلىعى دۇنيە ءجۇزى ەكونوميكاسىنىڭ ارتۋى ءدوپ كەلەتىن سىناقتار. ەڭ دامىماعان ەلدەر مەن شاعىن ارالدارداعى دامۋ ۇستىندەگى ەلدەر ءدوپ كەلگەن جاعداي اناعۇرلىم كۇردەلى. بولاشاقتاعى بىرنەشە جىلدا، دۇنيە ءجۇزى ەكونوميكاسىنىڭ ارتۋ قارقىنى ورتا ەسەپپەن 2010 – جىلدان 2019 – جىلعا دەيىنگى %3.2 تىك ورتاشا ورەدەن تومەن بولادى.
كەلۋ قاينارى: حالىق تورابى
بىرلەسكەن مەملەكەتتەر ۇيىمى دۇنيە ءجۇزى ەكونوميكاسىنىڭ بيىلعى ارتۋىنىڭ مەجەدەگى مولشەرىن جوعارىلاتتى
人民网
2024年05月21日 15:03