فينانستىڭ ناقتى ەكونوميكاعا قىزمەت وتەۋ ساپاسىن، ونىمدىلىگىن قالاي جوعارىلاتۋ كەرەك (ساياساتتىق سۇراق – جاۋاپ . فينانىستا قۋاتتى ەل قۇرۋدى تەزدەتۋ)

      باس شۋجي شي جينپيڭ ”فينانستىڭ ناقتى ەكونوميكاعا قىزمەت وتەۋىن ءتۇبىرلى ماقسات ەتۋدە تاباندى بولۋ كەرەك“ دەپ اتاپ كورسەتتى.
      عىلىم - تەحنيكا فينانسى، جاسىل فينانس، جالپىعا ءتيىمدى فينانس، زەينەتكەرلىك فينانس، سيفرلى فينانس سىندى 5 ءىرى ءىستى ويداعىداي ىستەۋ − فينانستىڭ ناقتى ەكونوميكانىڭ ساپالى دامۋىنا قىزمەت وتەۋىنىڭ ماڭىزدى كۇش سالۋ ءتۇيىنى.
      جۇڭگو حالىق بانكەسى باستىعىنىڭ ورىنباسارى، مەملەكەتتىك شەتەل اقشاسىن باسقارۋ مەكەمەسىنىڭ باستىعى جۋ حىشين مىنانى ءبىلدىردى: ورتالىقتىڭ بەكىتۋىمەن حالىق بانكەسى امانات – قارىز بازارى مەكەمەسىن قۇرىپ، ”بەس ءىرى ءىس“ قىزمەتىن باستاماشىلىقپەن ىلگەرىلەتتى، بيىل ساياسات جۇلگەسى، شابىتتاندىرۋ – تەجەۋ، فينانستىق قىزمەت وتەۋ قۋاتى قۇرىلىسى سياقتى جاقتاردان قولداۋ تەبىنى ارتتىرىلادى.
      جوعارى دەڭگەيدە جوبالاۋ مەن جۇيەلى جوسپارلاۋ كۇشەيتىلدى. بىلتىردان بەرى حالىق بانكەسى قاتىستى تاراۋلارمەن بىرگە «تەبىندى ارتتىرىپ عىلىم - تەحنيكالىق كاسىپورىنداردىڭ قارجى قۇراۋىن قولداۋ ارەكەت جوباسى»، «فينانستىڭ جاسىل، تومەن كومىرتەكتى دامۋىن قولداۋدى اناعۇرلىم كۇشەيتۋ جونىندەگى جەتەكشى پىكىر» سياقتى ساياساتتاردى شىعاردى، مەملەكەتتىك فينانس باقىلاۋ - باسقارۋ باس مەكەمەسى «ارناۋلى ساۋدالىق زەينەتكەرلىك قامسىزداندىرۋىن دامىتۋعا قاتىستى ىستەردى جەبەۋ جونىندەگى حابارلاندىرۋ» سياقتىلاردى جاريالاپ، وسى ساياساتتاردى ناقتى، ەگجەي - تەگجەيلى تياناقتاندىردى، ”بەس ءىرى ءىستىڭ“ تۇزىمدىك جوباسى اناعۇرلىم كەمەلدەنىپ، ساياسات جۇلگەسى اناعۇرلىم بەكەمدەلدى.
      شابىتتاندىرۋ، تەجەۋ قۇرالدارىن كەمەلدەندىرۋ كەرەك. حالىق بانكەسى قۇرىلىمدىق اقشا ساياساتى قۇرالىنىڭ رولىن ونان ارى ساۋلەلەندىرىپ، عىلىم - تەحنيكادا جاڭالىق اشۋعا جانە تەحنيكالىق وزگەرىس جاساۋعا جاڭادان بولىنگەن 500 ميلليارد يۋان قارىز اقشادان ويداعىداي پايدالانىپ، جالپىعا ءتيىمدى شاعىن، ۇساق قارىز اقشانى تۇراقتاندىرۋ ولشەمىن جەكە كاسىپكەرلەرگە 20 ميلليون يۋاننان اسىرماي بەرۋدى تۇراقتاندىردى، سونىمەن بىرگە قاتىستى سالالارداعى فينانس ساناق كورسەتكىشى جۇيەسىن كەمەلدەندىرۋدى ىلگەرىلەتەدى، عىلىم - تەحنيكا فينانسى، سيفرلى فينانس سياقتى ءتۇيىندى سالالارداعى فينانستىق قىزمەت وتەۋدى باعالاۋ مەحانيزمىن زەرتتەپ اقاۋسىزداندىرادى.
      فينانس قۇرىلىمدارىنىڭ قىزمەت وتەۋ قابىلەتى قۇرىلىسىن كۇشەيتۋ كەرەك. حالىق بانكەسى فينانس قۇرىلىمدارىن ينتەرنەت، ءىرى ساندى مالىمەت سياقتى ينفورماتسيا تاسىلدەرىنەن پايدالانىپ، قىزمەت وتەۋ عىلىم - تەحنيكاسى، جاسىل، ورتا، شاعىن، ۇساق كاسىپورىنداردىڭ قابىلەت دەڭگەيىن كۇشەيتىپ، فينانستىق قىزمەت وتەۋدىڭ ۇيلەسىمدىلىگى مەن جالپىعا ءتيىمدى سيپاتىن جوعارىلاتىپ، عىلىم - تەحنيكا، جاسىل سياقتى وڭىرلەردىڭ فينانستا جاڭالىق اشۋ رەفورماسىن تۇيىندە سىناق ەتۋدى بەلسەنە ىلگەرىلەتۋگە ونان ارى شابىتتاندىرادى.
      ”فينانستىڭ ناقتى ەكونوميكاعا قىزمەت وتەۋىن ءتۇبىرلى ماقسات ەتۋدە تاباندى بولىپ، ءونىمدى سۇرانىس پەن ءونىمدى قارجى قوسۋدى كەڭەيتۋدى بەلسەنە قولداپ، كەلەلى ينجەنەريالار مەن حالىق تۇرمىسى نىساندارىنىڭ قارجى قۇراۋ قاجەتىن قامتاماسىز ەتۋ كەرەك. فينانس قۇرالدارىن كەڭەيتىپ جانە مولايتىپ، قالىڭ حالىق بۇقاراسىنىڭ كوپ ساتىلى، الۋان ءتۇرلى فينانس قاجەتىن قاناعاتتاندىرۋ كەرەك“ دەدى فينانس باقىلاۋ - باسقارۋ باس مەكەمەسى باستىعىنىڭ ورىنباسارى شياۋ يۋانچي.
      بيىل فينانستى باقىلاۋ - باسقارۋ باس مەكەمەسى اناعۇرلىم كوپ فينانس بايلىعىنىڭ عىلىم - تەحنيكادا جاڭالىق اشۋدى جەبەۋگە، جاڭا وندىرگىش كۇشتەردى دامىتۋعا پايدالانىلۋىن ىلگەرىلەتەدى؛ بانكە كاسىبىنىڭ، قامسىزداندىرۋ كاسىبىنىڭ جاسىل دامۋعا فينانستىق قولداۋ كورسەتۋدى ارتتىرۋىن ىلگەرىلەتەدى؛ جالپىعا ءتيىمدى فينانس نەگىزدىك قىزمەت وتەۋىن، جالپىعا ءتيىمدى امانات - قارىز، جالپىعا ءتيىمدى قامسىزداندىرۋدى قامتىعان امبەباپ جۇيەنى ورناتادى جانە اقاۋسىزداندىرادى؛ ساۋدالىق زەينەتكەرلىك فينانس رەفورماسىن ۇزدىكسىز تەرەڭدەتىپ، بانكە - قامسىزداندىرۋ قۇرىلىمدارىنىڭ بانكە، قامسىزداندىرۋ سالاسىنىڭ ساپالى دامۋىنا دەم بەرۋىن ىلگەرىلەتەدى؛ بانكە، قامسىزداندىرۋ قۇرىلىمدارىن عىلىم - تەحنيكا فاكتورلارى قوسىلىمىن ارتتىرۋعا جەتەكتەپ، سيفرلى فينانس ونىمدەرىن ۇزدىكسىز بايىتىپ، ەكونوميكالىق، قوعامدىق دامۋعا ساپالى قىزمەت وتەيدى.
      كەلۋ قاينارى: حالىق تورابى