གསར་འགྱུར་སྤེལ་དུས། 【2024ལོའི་ཟླ་ 07ཚེས་10ཉིན། 14:15】 ཡོང་ཁུངས།：མི་དམངས་དྲ་བ། （རྩོམ་སྒྲིག་འགན་འཁུར་པ། རྟ་མགྲིན།）
བོད་རང་སྐྱོང་ལྗོངས་ནོར་སྲིད་ཐིང་གིས་《བོད་རང་སྐྱོང་ལྗོངས་ཀྱི་ཞིང་འབྲོག་མང་ཚོགས་ལ་ནོར་སྲིད་ཀྱི་ཁ་གསབ་གཟིགས་སྐྱོང་སྲིད་ཇུས་ལོངས་སུ་སྤྱོད་རྒྱུ་ཡོད་པའི་གསལ་རྟོགས་གཱ་（2024ལོའི་པར་མ་）》ཁྱབ་བསྒྲགས་བྱས།
ཏང་དང་རྒྱལ་ཁབ་ཀྱིས་བོད་ལྗོངས་ཞིང་འབྲོག་ཁུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་དོ་ཁུར་དང་རྒྱབ་སྐྱོར་གནང་བ་གང་ལེགས་མཚོན་ཆེད། ལྗོངས་ཡོངས་ཀྱི་རྒྱ་ཆེའི་ཞིང་འབྲོག་ཚོ་（ཞིང་རའི་ལས་བཟོ་ཚུད་པ་）ལ་ནོར་སྲིད་ཀྱི་ཞིང་ཕན་དམངས་ཕན་སྲིད་ཇུས་དྲིལ་བསྒྲགས་བྱས་ཏེ། རང་སྐྱོང་ལྗོངས་ནོར་སྲིད་ཐིང་གིས་《བོད་རང་སྐྱོང་ལྗོངས་ཀྱི་ཞིང་འབྲོག་མང་ཚོགས་ལ་ནོར་སྲིད་ཀྱི་ཁ་གསབ་གཟིགས་སྐྱོང་སྲིད་ཇུས་ལོངས་སུ་སྤྱོད་རྒྱུ་ཡོད་པའི་གསལ་རྟོགས་གཱ་(2024ལོའི་པར་མ་)》（གཤམ་དུ་《གསལ་རྟོགས་གཱ་》ཞེས་བསྡུ་རྒྱུ།）དུས་ཐོག་ཏུ་གསར་བརྗེས་དང་བཟོ་བཅོས་བྱས་པ་རེད། གསར་དུ་བཟོ་བཅོས་བརྒྱབ་པའི་《གསལ་རྟོགས་གཱ་》ནང་ཞིང་ཕན་དམངས་ཕན་སྲིད་ཇུས་ཁག་52ཚུད་ཡོད། དེའི་ནང་ཐད་ཀའི་ཁ་གསབ་སྲིད་ཇུས་ཁག་28དང་གཞན་བརྒྱུད་ཀྱི་ཁ་གསབ་སྲིད་ཇུས་ཁག་24ཚུད་ཡོད་པ་རེད།